PROKLEMASIE
Veer, Prins Freddy 1, gebaore in Remunj en getaoge in Hirkebosj.
Zoon van aad prins Jo van Bair van Dohme Thei en Aj van Frens van Koope Sjmeed.
Heersend euver ut Doaleriek in ut jaor 2020 make uch hiej biej bekint en
laote uch hiej biej weite.
1. Det veer op vriedig 22 fibberwarie de mach in Klein Kölle euvernumme op ut gemindehoes in Berg.
2. Deze vastelaovend geit jonk en aad oppe bein en nemes vreug nao heim.
3. Det veer ut mit 5 man sjterk, weer zalle zorge veur vuurwerk.
4. Det de bölkes veur mich de kommende tied op de raek blieve staon.
5. De Bifi’s op maondigaovend op ós kinne raekene.
6. Deze vastelaovend gein vrachwages gemaak waere.
7. Ich noe 4x 11 jaor aad bun, maar nog jaore mit kin.
8. Feeste beeste mit ein gleaske beer, jao det wille veer.
9. Det ut beer in de kefees nooit op moog rake.
10. Det veer same mit alle miense oet ut dörp d’r eine onvergaetelijke vastelaovend van gaon make.
11. Det veer same op asjwoonsdig kinne zigge, ut waas ongelöfelik sjoon, deze vastelaovend is aaf en besjloete mit kaak en alaaf.
En det alles onger miene liefsjpreuk:
VRACHTWAGES GEMAAK, NOE OET ÓS DAAK